هشام اعناجي – كود مراكش//
علمت “گود” من مصدر ان المكتب السياسي لحزب الأصالة والمعاصرة، لي تنعقد برئاسة الأمين العام عبد اللطيف وهبي، يومه الجمعة 2 يونيو 2023 بمدينة مراكش، قرر يوافق على قرارات طرد برلمانيين ملتزموش تنظيميا ومن بينهم محمد سالم الجماني البرلماني النافذ من العيون.
وجاء في بيان المكتب السياسي :”في سياق القضايا الداخلية للحزب، اطلع المكتب السياسي على قرارات بعض اللجان الجهوية للتحكيم والأخلاقيات كأجوبة على قرارات اجتماع المكتب السياسي الأخير، والتي انتهت بتسوية وضعية بعض المعنيين بقرارات التأديب وتوقيف العقوبات في حقهم وفق المساطر المعمول بها داخل النظام الأساسي للحزب”.
وفق مصدر قيادي هضر مع “گود” فإن اللي معني بتوقيف هاد العقوبات هوما اللي تجمدات ليهم العضوية اما لي مطرود مكاينش تراجع.
يشار بلي قرارات تجميد العضوية شملت البرلمانيين العربي هرامي عن دائرة سطات، وحسن بلمقدم عن دائرة مولاي يعقوب، بالإضافة إلى المستشار البرلماني محمد مكنيف الذي يمثل جهة الشرق.
للي عندو الطرد النهائي هو الجماني. متفاكوش معه واخا تضامنو مع برلمانيين اخرين ودارو وقفة احتجاجية فالبرلمان.
اللقاء لي كان يوم محضراتش ليه فاطمة الزهراء المنصوري بسبب التزام خاص بها، ولكن غادي تكون حاضرة فالمؤتمر الجهوي فمراكش.
يشار بلي “گود” كانت سباقة لهاد الخبر ديال اللقاء لي غايكون فمراكش. واللي تناقش فيه مواضيع تتعلق بالزلزال التنظيمي لي وقع للحزب بمجلس المستشارين.
