نجوى المالحي-كود//
من بعد الأزمة لي دارت بسبب عدم احترامها للتدابير لي فارضاها السلطات ديال الإمارات للحد من انتشار فيروس كورونا، خرجات الممثلة المغربية مريم حسين باش تعطي الڤيرسيو ديالها بعدما سمعو ليها برليس دبي.
مريم حسين قالت أنها ما تعمداتش تخرق النظام ديال الطوارئ في البلاد، ولكن الأمر كان متعلق بعشا في مطعم مع مها وبنت خالتها وصاحبتها، والمطعم هو لي دار ليها گاطو بمناسبة عيد ميلادها بلاما تكون في خبارها والناس جاو يتصورو معاها.
مريم حسين لي استنطقتها الشرطة ديال دبي لمدة 3 ساعات، قالت أنها قدمت للأمن أدلة كتأكد أن عيد ميلاد كان عفوي، وما وجدات ليه ماوالو.
