نجوى المالحي-كود//
المانكان المغربية عبلة الصوفي قهرها الحجر الصحي في ميريكان لي مستقرة فيها، وبمجرد ما رجع الطيران جمعات باليزتها ومشات لتركيا باش تبدل الجو وتستمتع.
عبلة لي تشهرات وتعرفات في المغرب عن طريق المنتج العالمي المغربي نادر خياط المشهور بريد-وان، اختارت تركيا باش تستمتع وتعيش الحياة ما بعد الحجر الصحي لي دام أسابيع طويلة للحد من انتشار فيروس كورونا.
وشاركات عبلة الصوفي بعض النصاور من السفر ديالها على حسابها في انستگرام، ولكن من نهار داو ليها طوموبيلتها من وسط الباركينكَ في ميريكان مابقاتش كتكشف على بزاف ديال التفاصيل مع الملايين ديال المتتبعين لي عندها، باش مايوقعش ليها نفس الفيلم وتتعرض للسرقة.
