كوثر المرنيسي – كود//
الفنانة المغربية دنيا باطمة قلباتها معيور على ود بنتها غزل. دنيا نشرت فيديو على صفحتها الخاصة بموقع التواصل الاجتماعي “إنستگرام”، وعايرات فيه الناس اللي انتقدو لكلام اللي قالت ليها بنتها فواحد اللاّيف.
دنيا دافعات بزاف على بنتها، وخاطبت الناس اللي انتقدو التربية ديال بنتها غزل، وقالت: “بنتي راها مربية عليكوم يا لمكلخات ديال الانستگرام.. فيكم شي فعايل بحال يلا ساكنين ف القصورة، ولاش كتدخلو فالتربية ديال بنتي اللي مربية احسن تربية”.
وأضافت: “بتي غزل ماشاء الله ذكية مربية اكثر من أي وحدا ف الأنستگرام وأي كلمة تقالت حدا بنتي كتسجلهت ف راسها”، في إشارة منها لداك “سيري تخراي” اللّي قالتها البنت لامها بلا متعرف المعنى ديالها، حسب دنيا.
وزادت كتهدد فالناس، وقالت: “خاص يجمعوكم كاملين فبيت ويحرقوكم ولا ونتيري فيكم”.
