نجوى المالحي – كود //

الرابور المغربي طه المعروف ب”إلكَراندي طوطو” كان عندو كونسير في فرانسا لكن رفضو يعطيوه الفيزا.

وهادي ثاني حفلة كتلغى ليه بعدما تلغى الكونصير اللي كان مقرر فمراكش مع المغني العالمي مالوما.

طوطو هو واحد من أشهر الفنانين المغاربة في العالم العربي والفنان الأكثر استماعا في سبوتيفاي وأغانيه كيحطمو الأرقام القياسية، والحفلات ديالو كيحضر فيها الجمهور.

وبالتالي الرفض ديال الفيزا ماواضحش كيفاش وعلاش، غير هو كالعادة الجمهور مطلعها عليه وكتبو ليه تحت بوسط في صفحة “Hit radio” أنه “خافوه يحركَ وتنمرو عليه بزاف…

الفقصة ديال الكونسير اللي تآنولا بسباب الفيزا تصادف مع لاكوفيرتور اللي دار ديال مجلة “L’Officiel Hommes Maroc” واللي وصفوه فيها ب”Un Rappeur en Or” اي رابور من الذهب.

البوسط اللي فيه تصاور من الشوتينكَ وصل لأكثر من 150 ألف لايك ف24 ساعة على صفحتو ف”أنستكَرام”.

https://www.instagram.com/p/ChDb8g7r5Dh/?igshid=YmMyMTA2M2Y=