كريم الصوفي – كود//
[email protected]

ذكرات تقارير اخبارية، أن شاب مغربي كيبلغ من العمر 23 عام وسميتو “إلياس الخراز”، مقيم ف استراليا رفع دعوى قضائية ضد الشاف ديالو في الخدمة والشركة ديالو سابقا بسباب جيست عنصري تعرض ليه داخل الشركة. الشاف ديالو وصحابو علقوه ودارو راسهم كيضحكو معاه بمناسبة حفلة ديال عيد الميلاد وشبعو فيه تصرفيق وسجلو كلشي ف فيديو ونشره في مواقع التواصل الاجتماعي..

"He's a big bully."

Tonight at 7pm, the apprentice tormented at his work Christmas party. #9ACA pic.twitter.com/mYKMg9cnaO

— A Current Affair (@ACurrentAffair9) November 29, 2021

واضافت التقارير، أن المهاجر المغربي اللي مشا لأستراليا باش يقلب على حياة أفضل قدم الاستقالة ديالو بعد نشر الفيديو للي بانو فيه صحابو كيدفعوه وشي كيصرفق وكيعاملون بسخرية وهو معلق. الضحية صرح انه كيتسنا من صحابو يعاونوه ماشي يشبعو فيه إهانات وان هاذ الحادثة ماشي منعزلة، وان الشاف ديالو كان ديما كيهددو بأعمال انتقامية اذا غلط ف الخدمة ديالو ودابا كيتسنا بداية المحاكمة وكيعاني ماديا لانه مسؤول اجتماعيا وعندو التزامات أسرية..

Hombre demanda empresa tras humillación al colgarlo “como trozo de carne”