وكالات //
ختار راجل عزيز عليه يطيب، سميتو ديفيد كَارسيا، باش يدير مغامرة استثنائية ويطيب بيتزا فوق بركان “باكايا Pacaya” جنوب كَواتيمالا اللي بدا شاعل.
ديفيد دار شويا احتياطات من حر العافية اللي طالعة من المكان خصوصا ف لوقيتة ديال الطياب، ودار البيتزا ف طاوا (لاطة) خاصة ديال المعدن اللي يمكن ليها تتحمل درجات حرارة كتوصل حتى لـ1800 درجة.
ومشاو بزاف ديال السياح لعندو باش يذوقو البيتزا اللي طايبة في بلاصة استثنائية.