كود كازا ///
مهدي قطبي رئيس المؤسسة الوطنية للمتاحف بالمغرب كيخدم راسو كثر من المؤسسة. فين ما بانت ليه شي هميزة يتلاح عليها. السيد جابوه باش يطور الفن المعاصر ماشي يسوق غير لوحاتو.

دابا واحد الگالري متملق اسمو “سو ارت گالري” كاين فكازا غادي يشارك ب4 فنانين فالدورة 21 لمعرض باريس للفنون ” آرت باريس 2019″، المرتقب تنظيمها من 4 إلى 7 أبريل القادم بالعاصمة الفرنسية.

هاد الربعة فيهم بالاضافة الى المهدي القطبي و غاني بلمعاشي و موران بلحسن و هدى القباج.

هاد المعرض الباريسي فيه 150 معرضا للفن الحديث والمعاصر من 20 بلدا .

مول الگالري صبغ بزاف بزاف المهدي قطبي قاليك “أحد الوجوه البارزة للفن المغربي المعاصر ، المعترف به عالميا هو موسوم بالشعر والإيقاع وأنفاس الحكمة التي تخترقه. فضلا عن كونه نقطة وصل بين الشرق وإفريقيا والغرب، وبين التجريد الهندسي والدقة الأنيقة للزخارف العربية الإسلامية، الشيء الذي أدهش العديد من أقلام الأدب وأبهر نقاد الفن في أوروبا”.

ما كيحشمش. كيفاش واحد رئيس مؤسسة المتاحف خاشي راسو فكلشي