وكالات //
حرقات مرا عندها 74 عام حوالي 2900 أورو بلاما تكون قاصدة، ملي كانت كتعقم في الفلوس اللي خداتهم من الكليان ديالها، حيت خايفة من الإصابة بفيروس كورونا.
السيدة خدات الفلوس رشات عليهم پرودوي على أساس أنه مادة معقمة ودخلاتهم لميكروأوند.
وحسب موقع “middleeast.in-24″، قال البنك الوطني الإسرائيلي أن المرا رسلات ليهم ميساج كتطالب منهم يعوضوها، وتعطيهم الفلوس المحروقة ويعطيوها وحدين جداد.
وعندها الزهر، حيت فاش بدا البنك بفحص الفلوس وتأكد أنها فعلا حقيقية وغير تحرقات قررو يبدلوها ليها.
ونقل الموقع عن مسؤول في البنك، بلي الفلوس الإسرائيلية (الوراق)، بحال بزاف ديال البلدان، فيها خيوط معدنية يمكن تتسبب فشعيل العافية وسط الميكروأوند.