كريم الشركي-كود///

واحد المراهق مغربي فعمرو 18 عام، نتاحر اول امس الاربعاء، فمركز اللاجئين لي كاين فيه فباييس باسكو فإسبانيا.

وحسب ال اسبانيول، الدري كان فالغرفة ديالو وملي دخلوا عليه العاملين فمركز ويبوثكوا لقاوه منتاحر، وهادشي صدمهوم وخلاهوم حزينين، حقاش الشاب كان ترونكيل.

السلطات الاسبانية بدات اجراءات ترحيل جثة المراهق لبلادو، باش تاخذو عائلتو تدفنو، في حين ماتعرفش الاسباب لي خلاتو ينتاحر.