محمد سقراط-كود///
مدينة مليلية محتلة جوج مرات محتلاها إسبانيا ورداتها جنة صغيرة والدخلة ديالها محتلينها الشمكارة المغاربة وردوها زبالة، أول حاجة كتلقاها ملي يالله كتفوت الحدود هو عرام ديال القاصرين حراكة مشمكرين وجنبهم كويلات مفرشين الخوردة، وحداهم حيط عامر بول وخاوي يال الشراب ومكتسمعش كلمة وحدة بالصبليونية، كتبغي غير تهرب من داك القنت فأقرب وقت، حتى كتوصل لمركز المدينة عاد كتلقى مليلية المدينة الاوروبية في أرض إفريقيا، الشوارع نقيين بزاف المدينة كلها مساحات خضراء وجرادي البعض منهم فيهم شباب مغاربة كيبرمو الجوانات، الأسواق الكبرى ضروري تلقى شي جوج قاصرين مغاربة بديك الحسانة ديال بالوتيلي كيعرضو يعاونو المتسوقين فدفيع الكروسة مقابل تدويرة، الخلاصة أنها مدينة نقية موسخينها بعض المغاربة.