كود الرباط//

ذكرت تقارير إخبارية فرنسية، أن متهم بجريمة قتل عندو الجنسية المغربية تحكم ب 30 عام ديال الحبس بعد اقتناع هيئة المحكمة بمجموعة من الوقائع منها اللي قانوني ومنها اللي واقعي عندو علاقة بأدلة البحث الجنائي. هاذ الشي واخا نكر المتهم تورطه في الجريمة.

وزادت  نفس التقارير، أن المتهم المغربي تشبت بالبراءة ديالو، لكن المحكمة كان عندها رأي آخر بعدما ما تأكدت ان المتهم في يوم الجريمة خرج من خدمتو بشكل غير مبرر ورجع ليها قبل ما يمشي يجيب الدراري من المدرسة ويلقى مراتو مقتولة بسباب اعتداء جسدي.

المتهم تشبت بتصريحو أن مراتو قتلوها شفارة داخل الدار، أما الخبرة كشفات أن قفل الباب لايحمل آثار كسر أو اقتحام، وأن الجريمة مخدومة من طرف الزوج اللي بغا يوهم كلشي انه بعيد عن شبهة قتل الضحية..