كريم الصوفي – كود//
نشرات يومية “إل باييس” الاسبانية مؤخرا حوارا مع وزير الداخلية “فيرناندو گراند مارلاسكا” تكلم فيه على بزاف ديال الأمور والقضايا اللي كتربط بين المغرب والصبليون وتداعيات ازمة سبتة على مسار العلاقات بين البلدين.
الوزير مارلاسكا اعتبر ان المصلحة الفضلى للقاصرين غير المرفوقين بذويهم بالتراب الاسباني كتبقا عندها الأولوية والحكومة المحلية ف سبتة هي اللي عندها الوصاية عليهم, وأضاف الوزير الاسباني، أن المحكمة الوطنية هي اللي قالت ان عودة القاصرين استندات للاتفاقية الموقعة مع المغرب ف 2007 والأمر مرهون بقرار قضائي.
الوزير مارلاسكا كان ذكي خلال سؤاله عن الدور للي لعباتو الداخلية في دخول غالي إلى التراب الاسباني ولاح المسؤولية كاملة على رئيس الحكومة “بيدرو سانشيث” ونقل عليه تصريح ادعى فيه رئيس الحكومة الاسبانية أن الاخيرة التزمات بالقانون في قضية دخول غالي.
واعتبرا المتحدث ذاته، أن المغرب كيبقا شريك استراتيجي والعلاقات معاه مهمة وضرورية وماشي غير المصالح اللي كتجمع البلدين وخاص استدامة العلاقات مع الرباط، حسب الوزير الاسباني.
