26/04/2024 13:40
الحبس ديال “سات فيلاج” تشد بصفة نهائية ومندوبية السجون وزعات المحابسية اللي كانوا فيه على حبسات أخرى
محمود الركيبي -كود- العيون //
امباركة بوعيدة دارت كلمة فاللقاء لي جمع بين منتخبين من جهة الداخلة والعيون مع مستثمرين ميركانيين فنيويورك.
بوعيدة رحبات بالإستثمارات الأمريكية، وعطات عرض برزات فيه أهم المؤهلات اللي كتزخر بهم جهة كلميم وادنون، ولي غادي تخلي رؤوس الاموال الأجانب يجو للإستثمار.
وركزات بوعيدة فعرضها المتلفز أمام عدد من رجال الأعمال الميريكانيين، على القطاع الفلاحي وقطاعات أخرى لي مشهورة بيهم الجهة لي كتعتبر بوابة الأقاليم الجنوبية، وصلة الوصل بين جنوب المملكة المغربية وشمالها، وباعتبارها كذلك نقطة تمركز بين أوروبا وإفريقيا.
بوعيدة بانت فالفيديو كتهدر باللغودة الإنجليزية بطلاقة، وذكرات بلي جميع الظروف غاتكون سانحة للمستثمرين الميريكانيين، خصوصا بعد تعزيز العلاقات بين البلدين بعد الإعتراف اللي علنات عليه واشنطن بدعمها لمغربية الصحرا وتطبيق الحكم الذاتي كحل باش يسالي النزاع فالمنطقة.
