كود كازا ///

لم يستطع صلاح الدين السعدي اللاعب ديال الوداد الرياضي من المشاركة في التجمع التدريبي ديال المنتخب المحلي لأنه كيعاني من إصابة فرضات عليه شوية ديال الراحة.

السعيدي مشى للمنتخب الوطني وعرض الإصابة ديالو على الطبيب ديال الأسود لطلب منو أنه اغادر المعسكر لأنه ميقدرش اتريني مع اللاعبين، أو العب المباريات.

والإصابة فرضات على السعيدي أنه ميلعبش الماتش ديال الوداد مع بركان برسم ذهاب ثمن نهائي كأس العرش، وغاب على المباراة، لسالات بالتعادل هدف لمثله.

وكان السعيدي تصاب في الماتش ديال الوداد مع اتحاد العاصمة برسم ذهاب نصف نهائي عصبة الأبطال، ومحتاج للراحة وتداريب خاصة باش استرجع لياقة ديالو وكون حاضر في الماتش ديال الرتور.

وكان رونار وجه الدعوة لثلاثة ديال اللاعبين من الوداد وسلامي حتى هو وجه الدعوة لثلاثة ديال اللاعبين، داكشي علاش لجنة البرمجة أجلات الماتش ديالهم مع الفتح من نهار الأحد إلى الخميس المقبل.