27/04/2024 01:00
ممثل تركي مشهور شرا مدرسة وريبها.. نتاقم من المعلمين لي كانو كيضربوه ملي كان صغير
سعيد بوناصر – كود//
تمكنات عناصر دلابيجي ديال زايو فإقليم الناظور من اعتقال جوج ديال الأشخاص البارح، متورطين فتنظيم الهجرة السرية، وكان مبحوث عليهم بموجب مذكرة بحث وطنية.
هاد العملية لي دارتها لابيجي دمفوضيةالأمن دزايو، بتنسيق مع الدرك الملكي ديال قرية أركمان والسلطات المحلية، مكنات من توقيف المتورطين بجوج، لي فعمرهم 54 و 61 عام، فكل من دوار “الشط” و” تقربوسط”.
وما تكشفش واش تحجزات عند الموقوفين بجوج شي فلوس ولا معدات ديال الهجرة السرية.
وكتندارج هاد العملية فإطار التنسيق بين جميع الأجهزة الأمنية المختصة، باش يتم إيقاف كاع الأشخاص لي صدرات فحقهم مذكرات بحث، وكذلك باش يتم الحد من الظواهر الإجرامية.
