الرئيسية > آراء > كيفاش المغربي طلع شانو بزاف فقطر. قبل كانو كيشوفو فينا قطريين وغيرهم من الفوق ودابا ما تصوروش كيفاش ترفعات قيمتنا بسباب نتائج الاسود = فيديو
08/12/2022 11:00 آراء

كيفاش المغربي طلع شانو بزاف فقطر. قبل كانو كيشوفو فينا قطريين وغيرهم من الفوق ودابا ما تصوروش كيفاش ترفعات قيمتنا بسباب نتائج الاسود = فيديو

كيفاش المغربي طلع شانو بزاف فقطر. قبل كانو كيشوفو فينا قطريين وغيرهم من الفوق ودابا ما تصوروش كيفاش ترفعات قيمتنا بسباب نتائج الاسود = فيديو

كود الدوحة ///

“انا ساكن فقطر هادي سنوات. عايش هنا. صورتنا فالحقيقة ماشي كحلة بحال شي جنسيات ولا هي وردية بحال اخرى. صحاب هاد الدولة كيشوفو فينا من الفوق. هاد الشي تبدل باش الاسود حيحو فالمونديال”. هادي شهادة لشاب ثلاثيني عايش فالدوحة ل”كود”. كان گالس كيشرب قهوتو فمول قطر قبل ما يرجع يخدم فمطعم تماك. هاد الشاب شاف صورة بلاد كتغير فوجه سكان هاد الدولة البترولية.

القطريين محافظين وزادهم الحصار السعودي الاماراتي اعتداد بريوسهم وانطواء عليها. اليوم لقاو ريوسهم وسط العالم بتنظيم هاد المونديال. كان عندهم مغاربة كيخدمو فميادين مختلفة من الاعلام حتى التسويق والادارة والمطاعم والامن.

“كود” تلاقات مع لمغاربة اللي ما كيعرفوش النفاق. واحد خدام فالجزيرة كيطلب للنظام القطري باش تسولو غادي يعطيك الانشاء. مغربي او مغربية خدامة ففندق كنادلة او مسيرة او مدير كيتلاقى اولا بالقطريين بزاف بحكم العمل وكيشوف التغيرات اللي وقعات فتصرفاتهم.

شابة مسيرة فمتجر لماركة ايطالية عالمية ف”بلاس ڤاندوم” ب”لوسيل” بالدوحة كتهدر على تغيير ب360 درجة لتصرفات القطريين والقطريات اتجاهها “كانو ماكيشوفوش فيك كاع. يدخلو يشريو وهما منفخين. اليوم ومن نهار ربحنا بلجيكا فالماتش الثاني عن دور المجموعات فهاد المونديال ولاو وولات القطريات كيدخلو ويسلمو علينا وباش تأهلنا للثمن بداو كيزيدو معانا فالهدرة وكيرددو باللي فرحانين كعرب بهاد الانجاز” تضيف هذه المسيرة الاربعينية. طبعا هاد التوجه القومي “راه حنا عرب” ما عمرها حسات بيه من نهار جات لقطر هادي 4 سنين الا باش دزنا للثمن.

الشابة اضافت ل”كود” باللي مع الانتصار على الصبليون درجة المغربي طلعات بزاف. ولات كبيرة.

شباب مغاربة مقيمين هنا فقطر او جاو من دول من شمال امريكا تلاقاتهم “كود” هدرو على نقطة اخرى “دابا كلشي باغي حقو من المغربي وهاد الشي كيطلع المورال بزاف. السوري والقطري والسعودي والكويتي …. كيعتابرك ديالو عربي والهندي والباكستاني والفيليبي مسلم او مسيحي كيتلاقاه يسلم عليه ويتمنى ليك الرباح ضد البرتغال نهار السبت وكيقول ليك “راه كتمثلنا كجنوب او كعالم غير غربي” وصحاب امريكا الجنوبية طلعات سومتنا عندهم وكيشوفونا ربحنا دولة كانت مستعمرة ليهم والفلسطيني كيشوف فيك انت اللي هزيتي ليه الراية =ياميق والصابري= وحتى الاسرائيلي مفتاخر بيك حقاش كيتشارك معاك فالانتماء لهاد الوطن. جدورو مغربية امازيغية.

هاد اللي واقع راه الكلمات صعيب ترجمتو. تنقلو. هاد الشي كيتعاش وكيتحس. تجربة انسانية للافتتاح بالتامغرابيت. للافتخار بالانتماء لهاد الرقعة الجغرافية اللي اسمها المغرب

موضوعات أخرى

19/03/2024 08:00

بن عبو لـ”كود”: موجة حر استثنائية فبلادنا وهاد السيناريو المناخي كيزيد تطرفا عام بعد عام وهادشي يؤكد أن الصيف الجاي غادي يكون حار وجاف وصعيب

19/03/2024 05:00

جورنال “الدايلي مايل ” بغا يحبس الشائعات لي كتسركل على الأميرة كيت: شهود شافوها كتدور مع راجلها وولادها

19/03/2024 03:00

مرض نادر كينتاشر فالجابون بطريقة كتخلع.. والعلماء مقدروش يعرفو الأسباب ديالو