كود الرباط//
واش الحكومة معندهاش تصور لرفع الحجر الصحي وعودة الانشطة الاقتصادية للعمل؟، قيادي بارز في المكتب السياسي لحزب “الأصالة والمعاصرة” المعارض يجيب لـ”كود” بالقول :”معندهاش تصور ومعطاش أجوبة ومعطيات دقيقة لكيفية تدبير هاد المرحلة”.
كود الرباط//
واش الحكومة معندهاش تصور لرفع الحجر الصحي وعودة الانشطة الاقتصادية للعمل؟، قيادي بارز في المكتب السياسي لحزب “الأصالة والمعاصرة” المعارض يجيب لـ”كود” بالقول :”معندهاش تصور ومعطاش أجوبة ومعطيات دقيقة لكيفية تدبير هاد المرحلة”.
وأضاف القيادي في “البام” لـ”كود” :”نستغرب هذا الصمت الحكومي تجاه كيفية رفع الحجر الصحي بعد 10 يونيو، كيفاش يخدمو المقاهي والمحلات التجارية والطاكسيات وشنو الاجراءات لي خصهم يديرو ثم واش وفرات ليهم الحكومة الوسائل اللوجيستيكية لمواجهة خطر الفيروس”، موضحا :”لحد الآن تا حد معارفش ومالين المقاهي والحجامة والمكتبات والبنايا وكاع المهن لي توقفات واحلين معارفينش كيفاش غادي يخدمو في ظل صمت حكومي غريب”.
“ماشي غير هادشي بل حتى تدبير الشواطئ مع الصيف مباينش واش غايديرو بحال فرنسا وكيفش لحد الآن الحكومة معطاتش جاوب والناس كتسنا” يقول ذات القيادي.
وعكس باقي الدول لي دارت تصورات لما بعد رفع الحجر، بحال الجارة تونس ودول اوربية قريبة لينا، رئيس الحكومة مقدمتش تا تصور، يضيف ذات المصدر.
واتهم ذات القيادي، سعد الدين العثماني، بـ”ضعيف على مستوى التواصل وغير قادر على فرض رمزية رئاسة الحكومة على باقي القطاعات الحكومية والدليل هو أنه فالوقت لي قرر فيه رئيس الحكومة تمديد الحجر الصحي لثلاثة أسابيع، بينما وزير الإقتصاد والمالية يعلن عن رفع الحجر عن القطاعات الاقتصادية المهيكلة مباشرة بعد أيام عيد الفطر”.
ضعف التنسيق هو عنوان التدبير الحكومي لأزمة “كوفيد 19″، وفق القيادي البام، بحيث أنه “نرى كل قطاع حكومي يقدم تصوره، وزير التعليم تعطي برنامج الامتحانات وكيفية تدبيرها، قطاع الاقتصاد يعطي تصورها، والصحة كذلك، الا رئيس الحكومة معندوش تصور”.
المعارضة كاعية من رئيس الحكومة كتتهمو بـ”الضعف” وبأنه مقادرش على تسيير هاد الحكومة فهاد الظروف ولكن في نفس الوقت كيشددو على ضرورة احترام الدستور والمؤسسات.