كود احمد الطيب ///

وزارة التجهيز والنقل واللوجيستيك والماء دارت بيان باش فالحقيقة دافع على قرار وزارتي الصحة والداخلية اللي غفل كلشي ليلة الاحد وبسبابو وقع الهروب الكبير ووقعو كسايد كثار.

الوزارة قالت انو ف26 و27 يوليوز وقعو كسايد بنفس الحجم اللي كتوقع كل عام فنفس التاريخ.

الوزارة بالارقام كتقول باللي تم تسجيل يومي 26 و27 يوليوز 2020 (خلال 48 ساعة كاملة) وتبين لها أنه في يوم الأحد 26 يوليوز 2020، تم تسجيل 96 حادثة سير جسمانية خلفت 9 وفيات و19 مصابا بجروح بليغة و146 مصابا بجروح خفيفة، في حين عرف يوم الإثنين ( 27 يوليوز 2020) تسجيل 103 حادثة سير خلفت 6 وفيات و7 مصابين بجروح بليغة و141 مصابا بجروح خفيفة”

يعني ايلى جمعاتهم 15 قتيل فليلة الهروب الكبير والنهار اللي تبعو و199 كسيدة و26 اصابة خطيرة و287 اصابة خفيفة. هاد الشي جاهم قليل

الوزارة قالت باللي هاد المعدلات “لا تختلف كثيرا عن المعطيات المسجلة خلال نفس الفترة من السنوات السابقة حيث تشير المعدلات اليومية لشهر يوليوز 2019 إلى تسجيل 82 حادثة سير جسمانية خلفت 7 وفيات و12 مصابا بجروح بليغة و127 مصابا بجروح خفيفة “.

وأضافت أن هذه المعدلات بلغت أيضا 84 حادثة جسمانية، خلفت 8 وفيات و18 مصابا بجروح بليغة و132 مصابا بجروح خفيفة، كمعدل يومي لشهر يوليوز خلال مدة خمس سنوات 2015-2019.

غير هو للي كذبات فيه الوزارة ان هاد العام خاص ماشي سنة عادية. عام كورونا حوادث السير قليلة بزاف بسباب الحجر الصحي والاجراءات اللي طبقات لمواجهة هاد الوباء٬ يعني ما خاصش اصلا تكون المقارنة بين سنة غير مسبوقة يمكن فتاريخ الانسانية مع سنة غادية