عفراء علوي محمدي- كود//
توفات سيدة عندها 38 عام بسبب مضاعفات فيروس كورونا المستجد، قبل ما يخرجو النتائج ديال التحاليل ديالها.
السيدة، اللي كتنحدر من العيون، كانت دارت التيست من بعد ما ظهرات عليها أعراض الإصابة بكورونا، من كحة وسخانة وضيق ديال التنفس، وما خرجوش نتائجها فالوقت حتى ماتت.
السيدة اللي توفات ف 12 شتنبر يالاه خرجو النتائج ديال اليوم الأربعاء 16 شتنبر إيجابية، وكانت دار التحاليل قبل ما تموت بيوماين.
وسبب تأخير نتائج الكشفات اللي كتدار على كورونا راجع للضغط اللي كيعرف مختبر السبيطار الجهوي مولاي الحسن ابن المهدي بالعيون فالفترة الأخيرة، بالإضافة لأنه تم تعزيز الكشف المبكر لجميع الوافدين على الإقليم.
