اسماء غربي – كود//

موقع “بي بي سي” دار ميكرو طروطوار، وخدا آراء بعض الرجال المغاربة فالقانون الجديد ديال التحرش.

من غير واحد الاقلية، فالاغلبية الساحقة ديال المغاربة ضدو، وطبعا كيعاودو نفس الديسك المحفي: “الفتاة خاص تكون محتارمة راسها.. وماتستافزناش بالعرا..”.

ومن المقرر أن يدخل هذا القانون، وهو الأول من نوعو في المغرب، حيز التنفيذ اليوم 12 سبتمبر 2018.

ومن بين العقوبات الي كتسنا المتحرشين جنسيا، عقوبة حبسية من شهر إلى ستة أشهر، وغرامة من 2000 درهم إلى 10.000 درهم، أو إحدى العقوبتين، لاي واحد بقا كيضايق الغير في الفضاءات العمومية أو غيرها من الأماكن بأقوال أو إشارات أو أفعال عندها دلالات جنسية ولا لأغراض جنسية، ولا عن طريق وسائل مكتوبة، إلكترونية، هاتفية، تسجيلات، صور، ذات طبيعة جنسية ولا لأغراض جنسية.