وكالات //

صنع راجل هندي طيارة فالدار ديالو، وقدر يسافر بيها من بعد فدورة لأوروبا، بعدما خسر فصناعتها 140 ألف أورو.

هاد الهندي اللي عندو رخصة ديال الطيران، استاغل فترة جائحة كورونا وخصوصا إيامات الحجر الصحي وصنع وسط براكة جنب دارو طيارتو الخاصة.

هاد الهندي هو من ولاية كيرالا، سيمتو أشوك اليشيريل ثاماراكشان، صنع الطيارة ف1500 ساعة، على حساب ما قال جورنال “إنديان إكسبريس” الهندي.

https://www.instagram.com/p/Cgf-c9Lq6P_/?utm_source=ig_web_copy_link

أشوك تعاون هو ومرتو باش جمعو 140 ألف دولار اللي خسروها على صنع الطيارة، وقدرو يسافرو بيها لاوروبا ابتداء بالنكَليز فشهر يناير اللي فات.