عمـر المزيـن – مكتب الرباط//
[email protected]

“لابيجي” ديال مفوضية البوليس بمدينة بوزنيقة، قرقبو أمس الإثنين، على واحد السيد فيها 23 عام. هاد الموقوفة متورطة فواحد القضية كتعلق بالاحتجاز والضرب والجرح بواسطة السلاح الأبيض والعلاقة الجنسية غير الشرعية وعدم التبليغ عن جناية.

الإيقاف ديال هاد السيدة جا بسبب واحد شريط فيديو، كان وثّق لعملية ديال احتجاز شخص داخل أحد المنازل، مع تعريضه للعنف من طرف بزاف ديال الناس من بينهم نساء، فضلا عن تصوير تلك الوقائع بواسطة كاميرا الهاتف المحمول.

الإجراءات ديال البحث أسفرت عن تحديد المكان والزمان ديال ارتكاب داك الأفعال الإجرامية اللي وقعات بمنزل كائن بمدينة بوزنيقة في 22 دجنبر المنصرم، كما تم تشخيص هوية الضحية وتوقيف واحد السيدة من بين المشتبه فيهم.

كما تبين، حسب بلاغ ديال مديرية البوليس، أن الدوافع ديال لجريمة هي خلافات عرضية بسبب حالة السكر التي كانوا عليها، كما تم أيضا تشخيص هويات باقي المتورطين والذين يتواصل البحث من أجل توقيفهم.