وكالات //

من المتوقع باش تباع بواطة ديال السيكَار الخاصة بالزعيم الكوبي الراحل فيديل كاسترو، بآلاف الدولارات فمزاد غادي يتنظم فشهر 6 الجاي.

صحيفة “The Independent” البريطانية قالت أن البواطة محصنة ضد الاغتيالات غادي تعرض فالمزاد هي ومقتنيات شخصية خاصة بزعيم كوبا الراحل.

أيضاً فنفس المزاد غتعرض مقتنيات ديال المناضل الأرجنتيني أرنستو تشي كَيفارا، منها قرعة الما الخاصة بيه واللي استخدمها ففترة حرب الثورة الكوبية بين 1953 و1959، واللي متوقع يفوت الثمن ديالها 12 ألف دولار.

وذكرت الصحيفة بللي هاد الكوليكسيون هي فملكية بيزنيسمان بريطاني كان من صحاب عائلة كاسترو.