مصطفى الشاذلي – كود سبور//

تعادل المنتخب الوطني أمام بوركينافاسو بواحد لواحد فالماتش لي جمعهما اليوم السبت بملعب مراكش، استعدادا للاستحقاقات المقبلة.وحيد خاليلوزيتش ما كانش عندو الزهر في الماتش ديالو مع الأسود واخا التعادل، لحقاش كان كيتمنى على الأقل يبدا المشوار ديالو بالربح.

المنتخب الوطني ظهر للاعبين جدد، ما كانوش رسميين مع الناخب الوطني السابق هيرفي رونار، بحال سفيان أمرابط وفؤاد شفيق ويونس عبد الحميد وزهير فصال ورشيد عليوي، وكان المستوى ديالهم لا بأس به.

ومازال النحس ديال البلانتيات كيلاحق حكيم زياش، بعدما ازكل بيلانتي عاوتاني، بعدما ازكل الاول أمام بنين في كأس إفريقيا للأمم بمصر.

البوسني وحيد خاليلوزيتش دار بزاف ديال التغييرات في الشوط الثاني، بعدما ادخل عادل تاعرابت وأنور التوهامي والمهدي كارسيلا، لكن منتخب بوركينافاسو هو لي ماركا الاول بواسطة المهاجم باروص، قبل أن ينقد زهير فضال خاليلوزيتش من اول خسارة مع المنتخب المغربي، فاش ماركا التعادل في الدقائق الأخيرة.مستوى المنتخب المغربي ماكانش مقنع ومازال خاص الخدمة بزاف.