وكالات //

بعض الناس ماكيفكروش في عواقب شي أمور تقدر كتبان ليهم بسيطة و اللي العقاب ديالها كايكون كبير.

في بريطانيا، البوليس شدو فرملية بعدما تأكد أنها شفرات كارط كَيشي ديال مرا (83 عام) ماتت بسباب تداعيات إصابتها بكورونا، فـ يناير الفايت، وشرات بيها المونادا والفانيد من الماكينة اللي كاتكون وسط الصبيطار.

من بعد دوزوها بوليس “ويست ميدلاندز” لمحكمة “برمنكَهام كراون” للنظر في قضية السرقة.

وحسب مابان ف كاميرات المراقبة، خدات هاد الفرملية، للي سميتها عائشة بشارات، وفي عمرها 23 عام، لاكارط ديال المرا اللي ماتت وشرات 6 ديال اللعيبات في دقة وحدة.

الفرملية حاولات تشري من جديد بلاكارط لكن لقات أن عائلة المرا اللي ماتت بلوكاوها، ودابا شدوها واعتارفات بأنها شفرات، وغادي تدوز عام ونص ديال الحبس.