وكالات-كود

بريطانية سميتها سيو رادفود، عندها 44 عام ولات هي الأم لي عندها أكثر الأبناء في بريطانيا بـ21 طفل، ودابة حاملة للمرة 22.

سيو دارت فيديو كتعلن فيه خبر حملها وحطاتو في اليوتوب. وقالت أنها حاليا حامل بسيمانة 15، وتمنات أن الجنين يكون ذكر، لأن عندها 10 الولاد و11 بنات، وبغات يكونو تعادل.

وكل عام كتقول الأم أن هاد السنة هي الأخيرة، لكن كل عام كدير فيديو وتعبر على فرحتها بالحمل الجديد.

هاد العائلة معندهاش شي دعم من الحكومة، وكتستافد فقط من المكافآت ديال الولادة.