وكالات //

حصلات الفرملية الجمايكية “ساندرا ليندسي” على الجنسية الميريكانية لأنها أول وحدة دارت الفاكسان ضد كورونا في ميريكان.

كان هادشي فـ حفل تكريم رسمي لهاد الفرملية من أصول مهاجرة، أشرف عليه الرئيس الأمريكي جو بايدن لأنها أول وحدة دارت الفاكسان ضد كورونا فـ ميريكان وتقديراً لعملها في المعركة ضد الوباء.

الرئيس جو بايدن قال أن بطاقة الفاكسان ديال الفرملية واللبسة ديالها ملي خدات فاكسان “فايزر-بيونتك”، واللي كان أول لقاح وافقات عليه هيئة الغذاء والدواء الميريكانية ضد كورونا، غادي يكونو ضمن معروضات متحف “سميثونيان” للتاريخ الأمريكي (Smithsonian Museum of American History).

الفرملية واللي خدامة في ولاية نيويورك متخصصة فـ العناية المركزة دارت الفاكسان فـ شهر ديسمبر 2020، قدام الكاميرات في «لونكَ آيلند جيويش ميديكل سنتر»، المستشفى الكبير في منطقة “كوينز” في الولاية، وكان عندها ديك الساعة 18 عام.