نجوى المالحي-كود//
المغني عمر بلمير اما ديما حاكَرينو وكيبيراطيو ليه حسابو في انستكَرام، اما عزيز عليه يدير البوز بطرق مختلفة.
هاد اليوماين وبدون مقدمات، تصويرة البروفيل ديالو في انستكَرام مابقاتش فيها تصويرتو، وتعوضات بتصويرة ديال صدر عريان ديال مرا.
البزازل صدمو المتتبعين بحالا عمرهم شافوهم، وولا عمر هو حديث الصحفات في مواقع التواصل الاجتماعي.
ساعات قليلة من بعد، خرج المغني بستوري قال “مغاديش ندوي بزاف. والميساج ديالي لواحد الأستاذ، راك معروف”، في تلميح أن حسابو زعما تبيراطا.
ومن بعد كمل عمر الستوريات عادي بحالا ماوقع والو.
