رئيس برلمان العسكر باغي يشوش على دعم باريس للحكم الذاتي والسفير الفرنسي فدزاير ما تسوقش ليه
عفراء علوي محمدي- كود//
كشف سعيد عفيف، عضو اللجنة العلمية للتلقيح ضد فيروس كورونا، انه ابتداء من نهار الاثنين غيبدى تلقيح الفئات العمرية من 25 سنة فما فوق، كيف سبق وقالت “كود”.
شدد عفيف عبر “كود” على اهمية التلقيح “ماحد اللقاح موجود خاص الناس يمشيو يتلقحو، لاحقاش، الفئات اللي عندهم 60 عام فما فوق 94 فالمية فيهم تلقحو، لكن اللي بين 40 و59 فيالاه 69 فالمية اللي خداو اللقاح، وبالتالي هذ الفئة العمرية خاص يبادرو باللقاح، خصوصا اللي عندهم امراض مزمنة، او اللي عندهم السكري او السمنة”، على حساب تعبيرو.
وزاد فتصريحو انه خص الجميع يلتزم بالتدابير الاحترازية للوقاية من الفيروس، ويلقح إلى وصلاتو النوبة.
وبين لبارح واليوم توصلو الناس اللي فعمرهم بين 25 و29 عام برسالة SMS كتعلمهم بموعد التلقيح، بينما وزارة الصحة مازال مادارت بلاغ رسمي، فحدود كتابة هذ الاسطر، على توسيع الفئة العمرية ديال المستهدفين بالفاكسان ل25 عام فما فوق.