وكالات //
الصحافة الطاليانية وصفات شخص خدام ف واحد الصبيطار بـ”ملك الغياب”، حيت 15 عام هادي و عمرو مشا يخدم و مع ذلك كان كيشد فلوسو باردين .
صحيفة “الكَارديان”، قالت أن السيد شد في هاد السنوات كثر من 538 ألف يورو.
وهذا الموظف الإيطالي اللي سجل رقم قياسي في الغياب، مقيد من بين الطاقم ديال صبيطار في مدينة كاتانزارو من 2005.
الموظف عندو 67 عام ودابا غادي يمشي يواجه القضاء على فعايلو.
ومن بين التهم اللي توجهات لهاد الموظف، كاينة “إساءة استخدام المنصب، و ممارسة التزوير والابتزاز”، وبدات لونكيط مع 6 ديال المسؤولين مشكوك فيهم على أنهم ميكو على هاد “ملك الغياب” هاد المدة كاملة.
