اسماء غربي – كود//

علمت گود من مصادر مطلعة ان سيدة الأعمال هند العشابي قضات اول ليلة فحبس عكاشة.

وأكدت جريدة الصباح، ان القضية فيها شيكات بدون رصيد، قدرها 4 مليار و 200 مليون، ومن المحتمل تجبد هاد القضية صداعات اخرى.

وتم تقديم العشابي أمام النيابة العامة، اليوم فالعشية، بالمحكمة الابتدائية بعين السبع بكازا، واكدت مصادر ل”كود” ان الميليارديرة ماقدمات حتى ضمانات للصرف شيكات بدون رصيد لبزاف ديال الناس.

وشدات الشرطة القضائية بانفا العشابي، الأربعاء الماضي، وبقات تحت الحراسة النظرية من داك الساعة.

يذكر أن العشابي خرجات من الحبس غشت الماضي، بعدما دوزات سنتين بتهمتي تزوير العقود والخيانة الزوجية.