كود – طنجة//

تعاونوا خمسة ديال الطلبة منهم جوج بنات كيقراو ف مدرسة عليا فطنجة باش خرجوا تطبيق يساعد الأطفال على حمايتهم من الاختطاف.

التطبيق يعتمد أساسا على خدمة لوكاليزاسيون ديال غوغل وكيوضح للآباء أماكن وجود أبنائهم وكل تحركاتهم بدقة كبيرة ومباشرة.

وباش يخدم هاد التطبيق كيديروا الدراري فيديهم واحد البراسلي صغير وخفيف وزوين فيه ألوان مختلفة كيعطي المعلومات للتطبيق اللي كيحدد في كل ثانية التحركات ديالهم.

وفهاد البراسلي كاينة بوطونة صغيورة كيكليكي عليها الطفل عند إحساسه بالخطر أو عند توهانه أو عند حدوث أي مشكل يتطلب تدخل الآباء.

الطلبة اللي خدموا على عاد التطبيق كيستناو الدعم باش ينتجوه ويسوقوه وهوما فهاد الساعة كيف ما قالوا لكود لا ينتظرون الأرباح بقدر ما يسعون إلى المساهمة في التخفيف من جرائم اختطاف الأطفال والاعتداء عليهم.