كمال لمريني -كود//

ارتفع عدد الوفيات ف صفوف الاشخاص اللي شربو لالكول ف وجدة، اليوم السبت، ل 7 د الحالات، هاد الشي اللي استنفر المصالح الأمنية اللي تابعة ل ولاية أمن وجدة وخلاهم اقرقبو على كراب.

وذكرت مصادر ل”كود”، أن هادوا كانوا قسارين ف حي المير علي ف وجدة وكيشربوا لالكول وبينهم واحد السيدة، لكن فجأة حسوا بالتسمم.

وأشارت المصادر ذاتها، إلى أن زوج من الناس ماتوا كاينين ف حالة حرجة، وزوج غسلوا ليهم المعدة.

وأضافت أن مصالح الأمن تمكنت من توقيف شخص من ذوي السوابق القضائية في السرقة وبيع المشروبات الكحولية بدون رخصة، وذلك للاشتباه ف التورط نتاعو ف بيع مواد مضرة بالصحة العامة والتسبب ف وفاة المستهلكين.