وكالات-كود//
المغنية المصرية شيرين عبد الوهاب عوتاني ناض عليها الصداع بعدما دوات فحفلها فالسعودية وقالت “واقيلة غضبت بعض العوانس”.
نقابة المهن الموسيقية المصرية دارت تعليق على الأزمة لي نوضات شيرين وقالو أنهم طالبو مرارا الفنانة باش ماتعطيش تصريحات في الحفلات.
وقال المتحدث باسم النقابة، طارق مرتضى، خلال مداخلة هاتفية مع برنامج “حضرة المواطن” نهار السبت “كلشي في مصر والوطن العربي متافقين على الموهبة الكبيرة لي عند شيرين وصوتها النادر والقوي.. وتصريحاتها المثيرة هي طبيعتها وهي حرة تقول لي بغات”.
وأوضح: “هادشي لي كيوقع فمواقع التواصل الاجتماعي ولى كيشكل ضغط كبير على النجوم بطريقة غير طبيعية”.
وشيرين ديما تابعها اللغيط وفكل مرة كتهدر ولا كدير تصريح، كتنوض حملة ضدها، حيت ماكتوزنش شنو كتقول.
