وكالات //
وزير الصحة البريطاني غادي يعيش أسوء أيامو بعدما سربو ليه تصاورو مع موظفة وهوما عايشين الحب وسط الوزارة.
البارح نشرات كبرى الصحف الإنكَليزية تصاور الوزير “مات هانكوك”، مع المساعدة ديالو جينا كولادانجلو، اللي كان هو براسو اللي عينها فـ منصب مديرة غير تنفيذية بوزارة الصحة، مع الإشارة إلى أنهم كايعرفو بعضياتهم من زمان.
وبينات كاميرات المراقبة في وزارة الصحة “هانكوك” و “جينا” عاطينها البوسان في الوقت الرسمي ديال الخدمة، وفي خرق للإجراءات الاحترازية اللي كاتضل الحكومة البريطانية كاتطلب من الناس يلتازمو بها، في مواجهة انتشار فيروس كورونا و سلالاته الجديدة عندهم، من تباعد جسدي و لبس الماسك…
الناس كاعية عليهم بجوج و بالأخص على الوزير، اللي قدم اعتذار للجميع من بعد، وفالمقابل طالب حزب العمال المعارض باستقالته من وزارة الصحة.
