كريم الشركي – كود //

البوليس والديوانة ديال ميناء الناظور، قدرو لبارح الخميس 7 أكتوبر الجاري، يشدو شخص فعمرو 37 سنة، مشتبه فتورطو ف شبكة إجرامية كتنشط فالتهريب الدولي للمخدرات والقرقوبي.

المتهم تشد ملي كان ماشي لأوروبا فرحلة بحرية متجهة صوب إحدى الدول الأوروبية، وبعد تفتيش روتيني بداخل طوموبيلتو لقاو بلايك من مخدر الشيرا بلغ مجموع وزنها 260 كيلو، كانت مخبأة بداخل تجاويف الهيكل الحديدي للمركبة.

الأمن شد المتهم تحت تدبير الحراسة النظرية رهن إشارة البحث اللي كديرو فرقة الشرطة القضائية بالناظور تحت إشراف النيابة العامة المختصة.