هند لكلاوي كود ////
علمت “كود” ان الاميرة لالة سلمى زارت هاد الصباح= الاربعاء 10 ابريل 2019= المركز الجهوي للانكلوجيا اللي كانت صوباتو جمعية لالة سلمى لمحاربة السرطان. الزيارة دامت وفق مصدر “كود” جوج سوايع والاميرة خلال هاد جوج سوايع ما خلات حتى حاجة “عياتنا وسولات على الشادة والفادة. ما خلات علاش ما سولاتناش على اللي عندو علاقة بالمركز وخدمتو” يحكي ل”كود” احد ممرضي المركز.
الاميرة كانت مع شي وحدات من عائلتها وجات من مراكش. وهاد الزيارة وفق مصدر “كود” ما كانش رسمية. واخا كانت معاها طونوبيلات رسمية والجدارمية مرافقينها.
الاميرة كانت بانت هادي شي سيمانا فجامع لفنا كتاكل الببوش مع بنتها الاميرة لالة خديجة.
