كود اسماء غربي ///

جريدة “المساء” قالت باللي كاين مقترح قانون جديد حول التعيين فالمنصاب العليا. هاد القانون جا بعد ما انتقدات المعارضة الحكومة حول ما سماتو “اعطيني نعطيك” بين احزاب الاغلبية المشكلة لحكومة بنعرفة.

اللي غريب مثير فهاد القانون هو ان حزب الاستقلال اللي اقتارحو. اييه حزب الاستقلال اللي حال مقترح القانون على لجنة العدل والتشريع وحقوق الإنسان، بمجلس النواب وقال باللي خاص احداث تغيير جذري فشروط انتقاء اللي غادي يكونو فالمناصب السامية بعيدا على المنافع الحزبية.

وبلاتي وشكون دافع عليه وكيهاجم الريع الحزبي فالتعيين والسي رحال المكاوي اللي كان مع ياسمينة بادو فوزارة الصحة. واش كيحشم هاد بنادم ولا اللا. واش عرفتو اش دارو الاستقلاليين لكاع الوزارات اللي كانت عندهم. ورجعو شوفو غير فوزارة الصحة شكون تعين فالادرات الجهوية قبل ما يجي الحسين الوردي وضربو دورة فوزارة السكنى زمن حجيرة وطلو على التجهيز والنقل زمن غلاب ودورو على الوزارات لخرى.

اكبر حزب دار لوزيعة والريع فالمناصب فعهد الحكومات السابقة هو حزب الاستقلال ومنهم هاداك خينا رحال اللي كون ما ممنعوش الوزير السابق للصحة الوردي كون جبد الملفات الخايبة بزاف زمن ياسمينة بادو. على قبال هاد القضية كان تقلق لوزير وبغى يستاقل كاع فبدية حكومة بنكيران.

كاليك الريع. وغير حشمو بعدا