“أمنيستي” كيف العادة هدرات على وضعية حقوق الإنسان فالصحرا وبنات إدعاءاتها على المغالطة وطرف واحد
نجوى المالحي-كود//
في عيد الحب بزاف ديال الفنانين خرجو أغاني تجارية على الحب منهم المغني زهير البهاوي لي اختار أغنية حزينة والرابور مسلم لي غنا بطريقة مختلفة واختار كلمات كلها حب لمراتو المنشطة أمال صقر لي كانت هي بطلة الكليب.
وحسب الاحصائيات ديال يوتوب، البهاوي دردگ على مسلم وشد راس الطوندوس المغربي وضرب في نهار واحد 4 مليون مشاهدة، وهو رقم قليل لي كيوصل ليه عندنا في المغنيين في هاد الوقت القصير.
زهير البهاوي لي تعرف في البدايات ديالو بأغاني الكوفر وملي غنا مع سعد لمجرد في موازين، اختار يدوي على قصة حزينة كتحكي وفاة أم خلال الولادة ودوا هو بلسان الزوج والأب وعبر ليها عن حبو.
الأغنية تصورات على طريقة الفيديو كليب من اخراج أمير الرواني وتحت ادارة مدير أعمالو رضى البرادي، وهادو كاملين كانو هوما لي خدامين مع لمجرد قبل ما يتشد هادي 3 سنين في قضية اغتصاب لورا بريول في فرنسا.