كود كازا//

مازال ماركات داسيا ورونا كيحتفظو بالصدارة فسوق الطوموبيلات فالمغرب، بحيث حققو نسبة مبيعات واصلة لـ 27,1 فالمية و13 فالمية على التوالي، وهكذا كيحتلو المراتب الأولى.

وحسب بلاغ لمجموعة رونو ماروك، فغير فالأربعة أشهر الأولى من هاد العام، كتمتلك مجموعة رونو 40 فالمية من حصة السوق الإجمالية، ونفس البيانات كتشير لزيادة فهاد الاتجاه ب74 فالمية غير فاللخر ديال أبريل 2021، بالمقارنة مع نفس الفترة العام اللي فات.

ورونو غير فالسوق المغربي باعت 23633 طوموبيل، والموديلات اللي كتباع بزاف هي Dacia Dokker وSandero وLogan وDuster، وعاد Clio وCaptur.