وكالات //

حسب جريدة “ديلي ميل” البريطانية، فإن دراسة داروها باحثين خدامين فشركة “شيكوبي” (Chicobi) المختصة فالتنظيف والتعقيم، كشفات بللي لاسوري ديال الپيسي كاتكوزن فالغالب موسخة وفيها باكتيريا أكثر من الكرسي ديال طواليط.

الباحثين قالو أن لاسوري ديال الپيسي ملوثة 11 مرة أكثر وهادشي اللي كيخليها أوسخ حاجة يمكن الواحد يهز منها باكتيريا  وحتى ڤيروسات.

وكيف كنعرفو أن غالبية الناس ولاو كيخدمو بالپيسيات بزاف، سوا فالدار أوالبيرو، داكشي علاش خاص الواحد يرد البال ويعقم وينقي هاد الپياسة بالجهد اللي يقدر عليه، خصوصا وحنا مزال فعز أزمة فيروس كورونا و المتحور الجديد “أوميكرون”.