أيوب الطنطاوي- كود//​

شدو مجموعة من المواطنين، واحد العصابة كتخطف الأطفال، بعدما حاولو يخطفو طفل وهو خارج من حضانة وسط أكادير .

وحسب تسجيل الفيديو لي تداولوه مجموعة من الصفحات الفايسبوكية، كيبانو فيه بزاف ديال الناس دايرين بهاد المختطفين الي هما رجل وإمرأة، بعدما شافوهم متربصين بطفل وشدوه و باغين يديوه بزز معاهم، بعدما خرج من روض فحي “تادارت” بمدينة أكادير .

حسب مصادر محلية، فصحاب شرع اليد ضربو المختطفين، قبل مايوصلو المصالح الأمنية الي داوهم، في إنتظار يتحالو على أنظار المصلحة الولائية باش يحققو معاهم .

واسفرت التحقيقات الأولية مع المشتبه فيهما، حسب بعض المصادر، على انهم كيشفرو الأطفال بغرض الإتجار فأعضائهم .