أرقام رسمية.. غير 29,3 فالمية من المشتغلين اللي عندهوم التغطية الصحية واكثر من نصف المستأجرين معندهومش كونطرة عمل
وكالات //
في العشر سنين اللي فاتت سلفات الملكة إليزابيث الثانية بزاف ديال المجوهرات لمرات ولد ولدها دوقة كامبريدج كيت ميدلتون، واللي قيمتها واصلة لملايين من الجنيهات الاسترلينية.
مجلة “Elle” العالمية قالت بللي الملكة إليزابيث عندها قطع فنية واعرة بزاف من المجوهرات والطوانكَ والتيجان، وعندها متحف من الحلي وليزاكسيسوار كانت ديما حالاه فوجه كيت مديلتون اللي كتاخذ منو اللي محتاجاه فكل مناسبة.
المجلة قالت أيضا أن ميدلتون كانت كتلبس وترجع أي حاجة خداتها من عند حماتها الملكة، ومنها بياسة نادرة جات للملكة إليزابيث هدية من أحد زعماء العالم.
ومن بين الحلي الشهيرة اللي تسلفاتها كيت ميدلتون هي عقد ألماس لبساتو فالمعرض الوطني ديال التصاور اللي تنظم فالعاصمة البريطانية لندن، واللي جاها (الملكة إليزابيث الثانية) من نظام حيدر أباد، اللي كانو حاكمين طرف من الهند قبل الانقسام.