اسماء غربي – كود//
دنيا باطمة علنات على مشاركتها فالنسخة 12 من الالعاب الافريقية اللي غادي تدار في الرباط بين 19 و 31 غشت الجاري.
وقالت دنيا فبوسط دارتو عبر صفحتها الشخصية على انستگرام، انها فرحانة بزاف حيت غادي تشارك فاكبر حدث رياضي هاد العام، وكتبات: اجيو وبارطاجيو معنا السحر، وخليونا نوريو للعالم اننا “افريقيا”.
واضافت: رونديفو نهار 19 غشت في مركب مولاي عبد الله، وكملاتها بعدة هاشتاگات منها عاش الملك ولننشر الحب والالعاب الافريقية…