قطاع الخدمات مزال كيحتل الصدارة فالتشغيل: مخدّم كثر من 5 مليون واحد من السكان النشيطين المشتغلين ومتبوع بقطاع الفلاحة والغابات والصيد
عفراء علوي محمدي- كود//
كشفات هيئة دفاع الصحافي، سليمان الريسوني، المحكوم ب5 سنين ديال الحبس، والمضرب عن الطعام ل112 ليوم، أنها ناشداتو باش يحبس هذ إضراب الجوع، وعطاتو يقرا مناشدة بزاف ديال الصحافيين والفاعلين الحقوقيين، وطلب منهم باش يعطيوه ومهلة باش يجاوبه فأقرب الآجال.
وزادت هيئة الدفاع، فبلاغ ليها للرأي العام اطلعات عليه “كود”، أنها زارت الريسوني يوم الأربعاء 28/07/2021 بسجن عكاشة، من بعد ماتعذر عليها هذشي لأزيد من جوج سيمانات، باستثناء زيارة بعض المحامين ليه قبل يوماين.
والغرض ديال زيارة الريسوني، حسب البيان نفسو، هو الاطمئنان على حالتو الصحية، وإبلاغو بمناشدة مراتو وعائلتو ليه، والعديد من المنظمات الحقوقية والمثقفين والصحافيين والمواطنين، وهيئة دفاعو، باش يوقف هذ الإضراب، وهذشي اللي خلق فنفسيتو أثر إيجابي، وخلاه يفكر فالموضوع.
وقالو أن الريسوني قرا مناشدة الجميع بتوقيف للإضراب، وتأثر بزاف، وتجاوب مع “الكم الهائل من التضامن و المؤازرة الإنسانية والنضالية”، وحتى مع رجاءهم ليه وإلحاحهم.
وكشف الدفاع أن الريسوني يتمتع بمعنويات مرتفعة، ويبلغ كل المتضامنين معه سلاما ويرسل إليهم تحايا مفعمة بالمودة.
واعتبرو الدفاع أن وضعية الريسوني محتاجة لمواكبة طبية من أجل مساعدتو على تجاوز الأعطاب الصحية اللي خلفاتها هذ المدة الطويلة من الإضراب عن الطعام، خصوصا وأن عملية تطعيمو تحتاج إلى وقت طويل من أجل استئناسه بالأكل بشكل عادي وطبيعي، ولكي تعود وظائف جسمه لطبيعتها.
وكشفو انهم وضعو للجهات المعنية، وهي المجلس الأعلى للسلطة القضائية ورئاسة النيابة العامة والمندوبية العامة لإدارة السجون وإعادة الإدماج والوكيل العام للملك بمحكمة الاستئناف بالدارالبيضاء ومدير السجن المحلي عين السبع، ملتمس فهذ الشأن، باش يتم نقلو فورا لسبيطار ويتلقى العلاج.
https://m.facebook.com/story.php?story_fbid=4178074088973115&id=100003116952019