نجوى المالحي – كود //

كشفات المغنية دعاء اليحياوي أنها اضطرت باش تخدم في أوطيل في مراكش باش تقدر توفر مبلغ تصور بيه الفيديو كليب اللول ديالها.

اليحياوي قالت في خروج إعلامي مع عماد النتيفي أنها بدات الخدمة في الفندق، ولكن تعرضت لتنمر كبير في هاديك الفترة.

وقالت دعاء أن شي ناس كانو كيجيو عندها ويقولو ليها بكل وقاحة “تلات بيك ليام” مني كيشوفوها خدامة.

دعاء اليحياوي لي كانت تشهرت بمشاركتها في برنامج “ذا فويس” رجعات للمغرب ومادرات لحد الان حتى عمل فني معروف.