وكالات //

كشفات دراسة جديدة، داروها باحثين ميريكانيين، على فائدة غير متوقعة ديال الڤياكَرا اللي كياخدوه عادة الأشخاص اللي كيعانيو العجز الجنسي.

وقام فريق “كليفلاند” بتحليل قاعدة بيانات لـ 7 ملايين مريض، ولقاو أن الرجال اللي كانو كيستعملو الڤياكَرا عندهم مخاطر أقل للإصابة بمرض الزهايمر.

وحسب جورنال “نيويورك پوست” الأبحاث الجديدة كشفات أن الڤياكَرا كيقلل من خطر الإصابة بمرض الزهايمر بمقدار الثلثين.

العلماء اللي دارو الدراسة قالو أن هاد الفانيد كيعاون في تعزيز صحة الدماغ وتقليل مستويات الپروتينات السامة اللي كتسبب الزهايمر.

ونتائح الدراسة تنشرات فمجلة “نايتشر آيجن” (Nature Aging) المتخصصة.