وكالات //

كشفات دراسة جديدة أن استهلاك الشومپينيون (الصالح للماكلة) من بين أهم أنواع الأكل اللي ممكن الواحد يعتامد عليهم باش يقاد المورال ديالو ويبعد من خطر الإصابة بالاكتئاب.

الدراسة اللي نشراتها ماكَازين “Affective Disorders” قالت أن الشومپينيون كيلعب دور كبير باش تكون الحالة العاطفية، ديال الشخص اللي كيستهلكو، مزيانة وكيعاون حتى في الوقاية من الكونصير.

ووضحات الدراسة أنها تبعات بيانات 24 ألف ميريكاني والعادات الغذائية ديالهم وتغيراتهم العقلية لمدة 11 لعام، ولقاو أن اللي موالفين كياكلو الشومپينيون عندهم خطر الإصابة بالاكتئاب قليل بنسبة 43 فالمية مقارنة مع لوخرين.

هاد النوع من المأكولات مزيان حيت فيه فيتامين “B12” ومضادات الأكسدة والأحماض الأمينية المضادة للإلتهابات، و اللي كاملة كتعاون باش تنقص من الاكتئاب وترتاح من الستريس.