جمال بناصر – كود:
35 تلميذ جراو عليهم من القراية بتاوريرت ربطو ريوسهم، اليوم الاثنين، بسلاسل من حديد ف بوطويات ديال الضو قدام المديرية الإقليمية للتعليم احتجاجا على رفض طلبات الاستعطاف اللي تقدموا بها باش يرجعو يقراو.
هاذ الدراري اللي تايطلبو بالدوزييم شانص كانوا دارو بزاف ديال الاحتجاجات من اعتصامات و اضراب على الطعام، لكن بلا فايدة بعدما اصرت المديرية على موقفها القاضي بمنعهم من العودة إلى الاقسام.
